Ved semesteravsultning, haust 2025

Postet 13. desember 2025

Dagane går no fort, og vi står no midt i avslutninga av semesteret og året.

Dette året har lokallaget gjennomført to store lønsforhandlingar. Den første forhandlinga var oppfølginga etter streika i 2024, i den andre forhandlinga gjennomførte lokale forhandlingar for 2025 etter vanleg rutine. Forskerforbundet  fekk gjennom mange av sine krav, og samla sett gjorde vi eit godt lønsoppgjer. I alle forhandlingar må vi/partane vere villige til både å gi og ta.   Vi vil jobbe vidare med fleire viktige saker for å sikre ei mest mogleg rettferdig fordeling av midlane.

Ei viktig sak for Forskerforbundet er medråderett og demokrati på arbeidsplassen. Forskerforbundet deltek i styringsgruppa Medverknad og styring i HVL. Dette blir eit sentralt arbeid for oss i 2026, der vi jobbar for best mogeleg lokaldemokrati og medråderett.

Lokallaget har fått innvilga fleire OU-seminar for medlemmane i 2026. Vi held fram tradisjonen med å invitere alle medlemmar til vårt populære lunsj-til-lunsj vårseminar. I tillegg tilbyr vi eigne seminar for teknisk-administrative og kvinnelege medarbeidarar i organisasjonen, samt eit spesialseminar om pensjon. Meir informasjon kjem i eigne e-postar og møteinnkallingar.

I år har Forskerforbundet ved HVL valt at julegåva 2025 skal vere ei pengegåve til velgjerande organisasjonar med fokus på utdanning og unge. Vi gir gåver til to organisasjonar: den internasjonale Studentenes og Akademikernes Internasjonale Hjelpefond og den lokale Sunnivas Minnefond. Begge har fått 25.000 kroner kvar. I tillegg har vi lagt ut ei lita julehelsing til medlemmane i form av julegodteri på campus.

Vi ønskjer dykk alle ei god jul og eit godt nytt år!

Takk for innsatsen og engasjementet i året som har gått – vi ser fram til å møtast igjen i 2026.